za sega neka ne go pokazuva info@yoursite.com

Куќа или стан?

 

Ова прашање кое себе си го поставуваме при приликата за купување на недвижнина. Кои се предностите на едната, кои на другата недвижнина?

Предности и мани на куќата

Доколку сте пораснале во куќа, не треба да ви ги зборуваме предностите. Кафе во двор, во ладовина на омиленото дрво, скара со соседите немаат цена. Доколку повикате гости, немате проблем каде да ги сместите. Посебно ако е преку лето. 

При изградбата на куќата сами можете да ја осмислите како да изгледа, да одредите квадратура, распоред.  Не треба да се занемари дека во склоп на куќата ќе имате сопствен паркинг или гаража кои даваат голема предност во однос на животот во зграда. 

Доколку вие градите куќа, знаете каква ви е изолацијата, инсталациите и ако квалитетно сте ја обработиле, може да биде во добра состојба со децении. Со становите не ја знаете реалната ситуација, посебно ако не сте прв сопственик. Морате редовно да го одржувате дворот, да косите тревам да правите ситни поправки, имате многу повеќе простор кој морате да го одржувате. Додека станот го реновирате на 10 години, а во куќа тоа реновирање е почесто. Покрај прозорците, паркетот и кречењето имате и поправки на покривот, олуците и слично.  Во куќата најголем проблем е изолацијата. Повеќе пари ви требаат за грееење бидејќи на куќата не се потпрани  други објекти, додека станот е секогаш топол бидејќи имате соседи и над вас, и под вас и до вас. 

 

Предности и мани на станот 

Но ако сте вработен кој времето го поминува надвор од домот, станот за вас е подобро решение. Станот е потполно практичен. Доколку дојде до било каква поправка во зградата, не сте сами, тука е куќниот совет и тука се соседите. Станот е поевтин когае во прашање греењето. Посебно ако сте во стан кој е на втор спрат. Доколку живеете во стан во град, превозот ви е многу подостапен отколку оние кои живеат во куќа во периферии и ви се достапни и продавниците, парковите, пазарите и слични содржини. Својот стан е многу лесно, брзо и поволно можете да го одржувате чист и уреден. Живтото во стан подразбира и прилагодување на сосседите. Куќниот ред мора да се почитува, посебно ако имате постари и помалку флексибилни соседи. 

Во пракса ако сте трпеливи и подготвени на постојани вложувања,а сакате природа и и сакате многу време да поминувате во својот дом со приватност, куќата е вистинско решение за Вас. 

Доколку не сте подготвени да имате сопствена одговорност за состојбата на вашиот дом, немате доволно време за да се посветите на дворот, водите активен живот кој подразбира дека најголемото време го поминувате надвор од дома, за вас е станот.