za sega neka ne go pokazuva info@yoursite.com

Како вашата мала кујна да ја направите визуелно поголема

За многумина кујната преставува најважна просторија во нивниот дом и поради тоа важно е таа да биде пространа и функционална што за жал секогаш не е така. Поради тоа ви подготвивме неколку совети како вашата мала кујна да ја направите визуелно поголема, а притоа да биде убава и функционална.


Кога ја уредувате вашата кујна најважно е како ќе ги смислите кујнските елементи, наш совет е да не купувате готова кујна туку да ја измерите по мерка.


Нека горните елементи слободно да бидат до плафонот бидејќи секој цм е важен. Важна ставка при приликата за изработка на куната е бојата. Одберете едноставна палета на пример бела боја идеална за мали простории бидејќи рефлектира светлост и со самото тоа и визуелно го зголемува просторот.


Наместо полни врати ставете стаклени, ова секако ќе допринесе вашата кујна да изгледа поголема. Избегнувајте груби ивици и монотонија од бои, доколку сте одбрале бели елементи слободно ставете некој детал во друга боја за да се избегне белината.



Дневното светло покрај тоа што влијае на расположението исто така го зголемува секој простор. Пуштете го светлото во вашата кујна, одберете проѕирни завеси и подигнати ролетни.

Исто така дезенот на плочките ќе влијаат дали просторот ќе изгледа помал или поголем, тука исто така е важно правилото на светли бои. Оптичка варка можете да направите ако боите на плочките над кујнскиот пулт да бидат исти со боите на ѕидовите на кујната.


Кај малите простори најважно е правилото – малку е повеќе. 

Електричните уреди кои ви стојат на пултот, ставете ги во полиците, така кујната ќе изгледа организирано. Вашата кујна одржувајте ја уредна.