Трпезариски столчиња по стил и димензии
Трпезариските столчиња можат да бидат со или без потпора за раката. Столчињата кои имаат потпора се удобно елегантни, но и завземаат поголем простор, па треба да се избегнуваат во мали простории. Некогаш тие означувале статус на личноста која седи на тој стол, па кај двата челни места столчињата биле со потпора за рака, а од страните седеле гости на столчиња без потпора. И вие можете така доколку немате место. Ова дури може и да ја разбие монотонијата. Столчињата без потпора по правило се полесни, и поедноставни за седење и станување. Материјалите од кои се прави трпезариското столче се дрво и метал, а во поново време и пластика. Денеска ретко наоѓаме трпезариски столчиња цели од дрво и кои не се на некој дел тапацирани со мек материјал. Благодарејќи на тоа што можат да бидат обложени со било кој материјал, па платно до кожа, и во било која воја, секогаш е можно да се најде некој дезен кој совршено ќе се вклопи во вашата трпезарија.
Како трпезариските столчиња совршено да се вклопат
Стил, боја и големина – тоа се три параметри за кои треба да се води сметка кога се одбира трпезариска маса. Кога ќе најдете стил и боја која ќе ви одговара на вашата просторија, важно е да ги знаете следните работи за да добиете складен простор за ручек со фамилијата.- Висина – сите столчиња немаат иста висина. Гледајте да бидат барем 30цм помеѓу површината на столчето и долниот дел од столот, за да може нормално да се седи.
- Ширина – за комоција на просечен човек му треба минимум 60цм простор по ширина, што значи дека бројот на столчиња кои ќе ги ставите со масата треба да бидат во склад со овој податок.
- Одалеченост – Пожелно е од столчето до ѕидот и било кој друг предмет позди него да биде околу 80цм, за да може комотно да се станува.
