Како да бидете добар сосед

Преселувањето во нова зграда делува како тргање на училиште – дали ќе се снајдете во новото опкружување? Дали соседството ќе ве прифати?

  1. Поздравете за почеток
    Љубезноста е потценета во урбаната средина, а толку важна за нормално функционирање. Наместо да бидете едни од оние кои се во состојба да пројдат покрај човекот како да не постои, бидете различни. Јавете се први. Едноставен поздрав наутро или малку муабетење добро ќе ве расположи.
  2. Држете се до правилата
    Бидете љубезни и пробајте да се вклопите во куќниот ред на зградата. Не паркирајте на зелени површини. Не фрлајте ѓубре од тераса. Ако реновирате во станот, истакнете известување во ходникот на зградата. Ако правите забава, известете ги соседите за времето или уште подобро викнете ги дома на забавата.
  3. Бидете одговорен сопствени на домашен миленик
    Домашниот миленик е одличен начин да запознаете соседи и сопственици на домашни миленици посебно на кучиња. Потрудете се да оставите добар впечаток. Ако лае во станот, ставете подобра изолација.
  4. Понудете помош ако мислите дека е потребна
    Ова е повеќе совет од доменот на убаво однесување кое секако важи за сите социјални интеракции. Не пропуштајте прилика да придржите врата, да помогнете со количка или да однесете тешка торба на постаро лице.
  5. Научете како се викаат соседите
    Дури и продавачките ви викаат Добар ден соседу! Секогаш можете да користите „соседу“, но ако го наречете по име или презиме, таа личност ќе се чувствува важна.
  6. Присуствувајте на состаноците од куќниот совет
    Ќе бидете во тек со случувањата во зградата, ем ќе им покажете дека сте сериозни и ги прифаќате правата и обврските. Луѓето кои делат ист простор вероатно можат да најдат нешто заедничко.

Слични објави