Верувате дека сте пронашле идеален подстанар и дека се што треба е да оформите договор за закуп, и дека тука престануваат обврските? Погрешно! Прочитајте подоле....
Најголемите грешки при издавање на стан се:
Не сте земале депозит
Тој е обично во висина на месечна закупнина и преставува граница дека станот ќе го затекнете во иста состојба во каква сте го и оставиле. Тој служи на закупувачот во ситуцаии ако се утврди дека по истекот на отказниот рок нешто во станот е најдено оштетено, како и потстанарот не си ги подмирил долговите.
Немате евиденција за бројот, вредностите и состојбата на работите во станот
Пред да се всели потстанарот, би било идеално ако направите попис на сите работи во станот. Ако сте во можност изнесете ги оние највредните. Ако некој апарат не е исправен, јасно наведете го проблемот. Исто така бидете категорични во врскла со измените кои сака потстанарот да ги направи ( распоред на мебел или некои адаптации). Но во договорот напишете кои му се овластувањата додека е во вашиот простор.
Немате увид во сметките
Оваа ставка не е потребно да се објаснува, на крајот на секој месец инсистирајте да ви ги покаже платените сметки. Од сите проблеми, најчести се тие со неплатени сметки.
Не ја посетувате својата недвижнина
Тука не сакаме да ви кажеме да му упаднете ненајавен на било кој во било кое време, но морате да бидете во тек што се случува во просторот кој го издавате. Мора да имате примерок од клучот.
Зошто договор за закуп?
Тоа е документ кој ве штити вас како издавач на недвижнина, а ќе ви послужи во случаи на поголем спор или доколку се отстапи од првобитниот договор. Договорот содржи податоци за двете страни, како и нивните права и обврски - траење на закупот, висина на месечното изнајмување... Тој го штити продавачот/издавачот на станот, но и потстанарот во остварување на своите права.
