Уредување на животниот простор може да биде лесна задача кога знаете што сакате, но може и да имате главоболки ако располагате со мал простор кој треба да се уреди. Посебно е тешко уредувањето на детска соба, бидејќи треба да се земат многу елементи во обзир.
Важно е овој простор да одговара на годините на детето. Прв и основен чекор кај уредувањето е ѕидовите. Ѕидовите на собата на вашето дете обоите ги во некоја неутрална боја, а потоа „освежете“ги со налепница или тапет по кој сега навистина можат да се најдат во голем избор на дезени и мотиви. Секако прво советувајте се со детето кои бои и мотиви ги сака во својата соба. Мебелот во детската соба пред се мора да биде безбеден и впечатлив, но и да ги задоволува потребите на малите деца за одмор, игра и училишни активности. Ова може да преставува проблем доколку простор кој го уредувате е многу мал, затоа ви предлагаме да набавите мебел кој го штеди просторот, а ги задоволува потребите на детето. Поголем дел од продавниците имаат готови детски соби, а исто така можете и сами да ги креаирате заедно со своите деца.
Вертикалните простории во детската соба често знаат да останат неискористени, бидејќи се водиме по логиката дека тоа што не им е на дофат на рака на малите им е непотребно, но тој простор можеме да го искоритме за поставување на полица која ќе се искористи за ставање на трофеи, медалји, пофалници, плишани играчки. 
Тоа што е потребно да обрнете внимание е осветлување на собата, треба да се обезбеди доволно дневна светлина во домот, а за вечерните саати да се обезбеди столна лапма која може да се поместува. Секако собата треба да има можност да се замрачи со роло завеси или драперии.
Обезбедете им на децата различни кутии за да можете да ги собирате таму играчките, а со самото тоа собата ќе изгледа поголема. Што и да менувате или преуредувате мора да ги вклучите и децата во целиот тој процес.
