Кога ќе ни се допадне некој стан кој е веќе под хипотека си го поставуваме прашањето дали постои ризик од купување, дали банката може да одобри кредит за купување на стан кој е веќе заложен, дали може да го изгубам станот, дали можам да бирам банка или само во банката каде е станот заложен.
Па да ја разрешиме дилемата. Апсолутно е можно да се купи таков стан и да се одбере банка која најмногу ни одговара без обзир која е првобитна банка впишата во хипотеката. За почеток неопходно е од банката кај која е станот заложен да се побара Потврда за остаток на долг и Писмо за намери од банката дека ќе издаде дозвола по исплатата од остатокот на долгот по кредит. Кога ќе ги добиеме наведените документи и ќе ги собереме неопходноте документи за поднесување на барање за кредит го предаваме барањето во банката во која сме одбрале за најдполна на нас. По позитивната одлука од Банката за одобрување на станбен кредит се воспоставува хипотека од втор ред и по добивањето на Решение за упис на хипотека од страна на катастарот банката пристапува кон исплата на средства. По реализација на нашиот станбен кредит мора да се избрише хипотеката од прв ред. Потоа, потребно е продавачот да го ликвидира својот кредит и да достави Бришовна дозвола – односно согласност на банката дека може да се избрише хипотека во земјишните книги кои ги предаваме во катастар и плаќаме такса според тарифникот на катастарот. Сега останува хипотека од прв ред.
Напоменуваме дека начинот на исплата на купорподажната цена на еден ваков стан е неопходно да се прецизира во Преддоговорот односно Договор за купопродажба на станови.
