Често во пребарувањето на купувањето на недвижнини наидуваме на термин, невпишан стан, во постапка на легализација, нелегална недвижнина и слично.
Што се невпишани недвижнини?
Невпишани или нелегални недвижнини се сите оние недвижнини кои се изградени без дозвола за градење и како и оние недвижнини кои имале градежна дозвола но не се изградени по таа дозвола односно ја немаат потребната дозвола. Таквите недвижнини или не се впишани во катастар или се впишани но стои напомена дека се нелегални, без дозвола.
Која е разликата?
Законот предвидува дека нема разлика помеѓу впишани и невпишани недвижнини. Разликата е во тоа дека на впишаните недвинини може да се воспостави хипотека( заложно право ) и може да се купи по пат на станбен кредит од банките, а со не впишаните недвижнини тоа не е случај.
Кои се ризиците на купување на нелегална недвижнина?
Купувањето на нелегална недвижнина носи со себе секогаш одреден ризик. Најголемиот ризик е дека недвижнината не е впишана и барањето за нејзино озаконување е одбиено. Затоа е важно се добро да се порвери и истражи за сите детали на таква купопродажба. Еден од ризиците е и тој што купувачот може да има дополнителни трошоци доколку документацијата е непотполна и мора да се дополни а тоа би резултирало на трошоци на сите станари.
Кои се бенефитите?
Купувачот секако може да има и бенефити тоа пред се се однесува на цената на недвижнината бидејќи такви недвижнини обично имаат пониска цена од впишаните недвижнини.
Треба ли да се избегнува купување на невпишани недвижнини?
Нашиот став е дека не треба да се бега од такви недвижнини кои на нашиот пазар има голем број и чиј број од ден на ден се намалува споро но се движи во добар правец. Не треба да се избегнува купување на вакви недвижнини по секоја цена но треба да се биде внимателен и информиран. Затоа отворете очи и ангажирајте стручно лице.
