Доколку живеете во куќа, и имате двор, тогаш може да биде идеално место за одмор од секојдневните обврски така и од надојдените жештини...
Ќе ви дадеме неколку идеи како да го направите својот двор подобро место за одмор, украсете го и уживајте во него.
Првата идеја е нешто поскапа од следните а тоа е базен. Базенот е место кое ја собира фамилијата. На децата многу им е интересен, така што покрај своите деца очекувајте и навала од комшиите. Изборот е на вас.
Другото место на оваа листа завзема градинарска кујна.Готвењето може да биде многу забавно, посебно ако готвите за своите најблиски, семејството и пријателите. Да подготвите оброк за нив во вашата кујна е само по себе доживување, уште ако кујната ја сместите во пријатен амбиент на вашата градина уживањето ќе биде максимално. Доколку успеете да ја оживеете оваа идеја, ви останува само да пронајдете доброволец за миење садови по вечерата во вашата нова кујна.
Фонтана, како и базенот може да го разубави вашиот двор и да му даде свежина, со тоа што во неа не можете да се бањате. Предноста, исто така, може да најдете многу видеа и туториали на интернет како сами да направите своја фонтана од стари гуми, кујнски елементи и слично, со тоа преставува и поевтина опција од базенот. Тие можат брзо да се размонтираат, па кога ви е досадно еден изглед, лесно можете да го промените дизајнот.
Цвеќе, овошје, зеленчук...Посадете што повеќе садници доколку за тоа имате простор во својот двор. Цреши, кајсии или јаболка, бараат повеќе време но покрај своето овошје од дворот кое нема да треаб да купувате, ќе имате и совршена сенка и место да поставите столчиња и леажлки за одмор, барски столчиња за вечерно дружење или што и да ви е потребно за собир.
Се надеваме дека со овие идеи ќе ве инспирираме ова лето да го освежите вашиот двор или градина.
